浓浓沪语海上情

作者简介

浓浓沪语海上情：新民晚报上海闲话精编，ISBN：9787532637799，作者：吕争，钱乃荣 编

书籍目录

弄堂茄山河

沪语童谣

老里八早

刨根问底

沪上名人

收藏

灶披间

侬讲伊讲

沪语趣谈

喇叭花开

扎劲

坐看云起

沪渎码头

编辑推荐

　　《浓浓沪语海上情（新民晚报上海闲话精编）》传承本土文化，珍爱上海方言。珍视上海文化中“海纳百川”、“兼收并蓄”的传统，让上海话充满生机，成为“这一个”国际大都市的特色。除了满足本地读者的知情权外，还特别关注市民的民生和市民文化，它们是上海话赖以生存的基础。

章节摘录

　　老虎灶里泡开水 旅征 上海老早【从前】有句闲话叫“老虎灶里泡开水”，意思指到老虎灶去 打熟水。老虎灶因炉膛口开垃拉正前方，像一只老虎个嘴巴，灶尾高高竖起 个烟囱管，像老虎翘起个尾巴，上海人老形象个叫伊老虎灶。老虎灶产生告 老上海人居住环境有关。想想老早底辰光【时候】，总可以看到手拎热水瓶 或者茶壶进进出出老虎灶个人，路面还踏出一条条水迹浞。老虎灶集中拉老 弄堂地区，交关【许多】居民泡茶、吃茶、用熟水全靠老虎灶。勿少老虎灶 还摆好几张台子，供大家边吃茶边茄茄山河，有个还摆了浴盆汤供人汰浴【 洗澡】睐。弄堂里向乘风凉 旅征 大伏天夜快头【晚上】垃拉弄堂里乘风凉，迭个是老上海人个习惯。太 阳还呒没落下去，就有人会从井里拎一桶井水上来，“哗哗”朝地浪向一冲，交关人就来煞勿及拿屋里向个躺椅、小板凳摆拉弄堂里向，或者马路浪向 咤上街沿浪向，先占好位置，迭个辰光是最闹猛个。上海人家家走出热烘烘 个房间，搬出碗筷、几碟小菜，脱仔用井水冰镇过个绿豆粥、清拌西瓜皮，一家门围拉小方桌浪向吃夜饭。吃好夜饭末，邻舍之间开始东家长西家短个 茄起山河来。老人睏拉竹榻、明椅高头摇摇蒲扇打瞌吭，小青年末打牌着棋 朋友道里吹吹牛咤啥，讲讲自家单位里发生个事体。还有个就睏拉席子高头 嗑瓜子，有个一面做针线生活，一面哄小囡咽觉，有两个野蛮小鬼会垃拉人 堆里窜来窜去。不过有辰光还会弄得勿开心，王家朖【lang，晒】拉外头个 衣裳挡牢了李家进出个通道，毛家已经晒干个单被拨拉亭子间阿嫂湿汲汲个 拖畚【fen】碰龌龊了，吵相骂个事体会得发生。想想老早底乘风凉还是蛮 扎劲【有趣】个，现在多数地方呒没了！鲜肉粽子老好吃个 任丽青 阿拉弟新妇又要做粽子了。天地良心，伊做个鲜肉粽比啥个五芳斋粽子 侪好吃。每年端午，伊总归买三斤大米，两斤糯米，再买一眼五花肉。肉先 要浸辣酱油搭仔黄酒里两个钟头，再用碧绿生青个粽叶包起来。伊包个是小 脚粽，小悠悠、长长个，毛估估一两半一只。顶顶稀奇个末就是包粽子勿用 绳子。伊自家会得削一根两寸长个细竹，拿针线生活用个钢针摆辣火浪向烧 红，再辣浪细竹头子浪唆一只洞，就变成一根竹针了。粽子包好末就拿粽叶 末末头最细个地方穿到竹针眼里向，竹针再穿过粽子，葛末粽子就做好了。棕叶里向米烧熟了就会涨开，紧紧夹牢粽叶末末头，根本散勿开。伊拉屋里 向有只老底子个镬子，老大个，拿粽子统统摆进去烧。烧好末定规送拔我几 只尝尝味道。真个老好吃个。伊还会得做赤豆粽得仔白米粽，吃个辰光蘸一 眼眼绵白糖，又香又糯，攒得勿得了。到外码头去读书 丁迪蒙 阿拉隔壁头王家姆妈个囡儿辣辣澳门科技大学个国际旅游系读酒店管理 专业。交关人听到以后侪觉着老奇怪个，因为上海人一般是勿愿意让小人到 外码头去个。辣上海读书勿是蛮好？但是王家姆妈认为，小人以后总归要放 出去，离开爷娘个。外地也勿舍得拨伊去，葛今后到外国哪能去法子啊？为了拿伊拉囡儿放出去，王家姆妈老早就做了准备了：伊拉囡儿小学毕 业就到徐汇区个世界外国语中学去住读了，从杨浦区到徐汇区路浪向要花两 个多钟头来。所以一个礼拜只好回转去蹲三天，辣辣学堂里住读蹲四天。到 高中阶段，还让伊到无锡去读书，搿个是两个礼拜、一个号头再好回上海一 次个。就搿能样子，伊拉妹头拨伊一点一点放出去，勿辣爷娘身边，一家头 辣外头独立生活伊老早就已经习惯了。王家姆妈拉妹头，各个方面个能力侪老强个：伊四岁弹钢琴，考了钢琴 十级，伊学芭蕾舞，直到现在走路个样子还是蛮好看个，空下来还欢喜画图 得书法，艺术修养侪勿错个。伊个英文口语发音老好个，邪气流畅。现在大 部分上海个年轻人侪讲勿好上海闲话，讲起上海闲话来像外地人一样，发音 老怪个。但是伊拉小妹头个上海闲话也是邪气标准个。因为从小辣辣屋里向 伊拉娘就逼牢伊上海闲话一定要讲好，平常是勿许伊讲普通闲话个。闲话是搿能样子讲，不过只有一个小人，伊拉妹头到了外地以后，王家 姆妈每日天夜里向侪要上网个，辣辣MsN上头得囡儿讲讲闲话，担心伊冷哦，身体末哪能介，读书是勿是紧张，觉得好哦，问伊每天吃点啥物事，同学 之间的关系好哦？一日天勿讲讲闲话，伊是坐勿停立勿停，勿晓得哪能好了。可怜天下父母心！搿个是呒没办法个事体。P2-5

图书封面

---

 浓浓沪语海上情下载

---